ID Oz's Life

澳洲急症室之夜＋15年前的回憶錄

係，耳仔～右邊，
上回提起：有耳鳴~~！！
仲以為係夾得band 多…
點知前天耳仔開始覺得好痛。噢，係外耳炎～
我小時候，13，15，6歲時，因成日游水，又有挖耳仔（自我清潔耳屎）的“惡”習（中國人所謂“採耳”之享受）

係油痳地耳鼻候(ENT)專科的常客。我好有經驗的。
本來今天早上想去看醫生，但時間唔夠，因下午要到superdome, hillsongs conference 幫手。
痛都要頂住！！
點知……到夜晚11點幾收工時…我都係頂唔住…希望去一去急症室，有D野滴吓，都會好D呀。

今晚有機試吓澳洲的急症室，都係一個好好經驗。點知……

我想起了15多年前又是有差不多經驗，也是急症室，又係好痛，仲發燒。
家庭醫生因唔知點醫，所以叫我去急症室，在急症室等了一輪，急症室也做不到什麼，也就是給了我一大包止痛藥。
最後叫我回家，痛多一晚，明天去油痳地耳鼻候專科…自始，我也成為那裏的常客。
記得15多年前的這個晚上，和我四處跑的，就是媽媽，還記得我好感動，還跟媽說了句：媽咪 妳對我真係好。媽回應了一句：我唔同你去，邊個同你去呀。

到了今晚，也是急症室，最後等了3個多小時，到淩晨3點幾…噢，澳洲係醫藥分家的，最後急症室醫生叫我吃antibiotic再去看家庭醫生，也只給了我一粒止痛藥（但去到急症室，我已食了幾粒，都係好痛…）。今次好在也有irene陪著，感謝主。

睡了幾個鐘，起來時發覺耳仔裏已給塞住了，以我經驗，一定要找ENT專科醫生幫我清理及滴耳藥，只食antibiotic係沒有用的。
我立時online找附近的ENT，打電話去，希望有得見醫生（因沒有家庭醫生介紹信，係唔可以看專科）感謝主，最後見到ENT醫生，如我所 想，ENT醫生說只食antibiotic係無用的，一定要清理及滴耳藥。（再一次証明，唔同人有唔同做法，所以要多想各方唔用意見）
專科結賬……多謝au$250.............（~hk$1500，最後只能從醫保拿回一半…）

噢，真開心，雖耳都係給藥塞住，但起碼唔痛啦，可以開心去hillsong conference服事啦！

posted by Doug & Irene @ 5:38 下午